عزت النفس عندي سببت مشكله 000 كل ماجيت اسامح غلطتك ماقويت
وصرت محتار في تحليل هالمسأله 000 لاني اللي ذكرت ولاني اللي نسيت
كل ماقلت قلبي عن غرامك دله 000 ضاق صدري وسالة دمعتي مادريت
وقام يجتاحني شوق الغلا والوله 000 لين أوقف على بابك ولو مارضيت
وأتعوذ وأهدي القلب بالبسمله 000 وأتحسف على شاني عشانك عنيت
ضاربٍ في وفايه أصدق الأمثله 000 والا أنا منك ياعذب المى ماجنيت
غير همي00وسهر الليل00والململه 000 والمصايب هي اللي منك أنا قد خذيت
دوك قلبي فياضه كلها ممحله 000 كل عرق بعد فرقاك يازين ميت
مابقى وسط ريضانه ولا سنبله 000 ترتجي غيث وصلك يالعلك وليت
ترحم اللي فتح قلبه وقال ادهله 000 قال خلك بوسطه وأعتبره الك بيت
آهـ ليتك تحس بوقعت الزلزله 000 وسط قلبي نهار السبت يومك مشيت
ذنبك انك عذاب الحب تستسهله 000 وذنبي اني شربتك موت لين ارتويت
من سببكم هواجيسِ تجي مرسله 000 تمتحني لين اني اعاف المبيت
لين صارت حياتي كلها هجوله 000 انقذيني تراني من بعدكم ماأهتنيت
عايشن بالسهر والهم والبهذله 000 وانت تدري عن جروحي ولو ماحكيت
بس ابسألك او انه بلاش اسأله 000 جيت اقول الك معقوله ومشيت
كيف يامالكٍ عرش الغلا بأكمله 000 كل هذا يجي منك عشاني وفيت
أنت خلك معي واللي تبيه ازهله 000 والله أني للبي مطلبك ماحييت
بس لاتلتفت للهرج والبلبله 000 مادبل كبدي إلا قولتك كيت كيت
حاولي وضع حد الحين للمسأله 000 قبل أعزم وأقول أزعل عسى مارضيت
خايف إنك تقولي بااك أنا مقبله 000 ثم أقول الك بـرٍب آسف خلاص انتهيت
أيه من جد عفت اللعب والمهزله 000 لي متى وأنت تجرح وأنا اقول تيتـ ؟
